वाढणी: २ ते ३ जणांसाठी
साहित्य:
२ कप लाल भोपळ्याच्या मध्यम फोडी (साल काढून)
१/२ टिस्पून तूप
१/२ टिस्पून जिरे
३ हिरव्या मिरच्या, उभ्या चिरून
१/४ कप कोथिंबीर, बारीक चिरून
१/२ ते ३/४ कप दही
चवीनुसार मिठ, साखर
कृती:
१) भोपळ्याच्या फोडी कूकरमध्ये उकडून घ्याव्यात. थंड झाल्यावर चमच्याने मॅश करून घ्याव्यात. खुप गुठळ्या राहू देवू नये.
२) लहान कढल्यात तूप गरम करावे. तूप गरम झाले कि जिरे आणि मिरच्या घालून फोडणी करून उकडलेल्या भोपळ्यात घालावी. चवीनुसार मिठ आणि किंचीत साखर घालावी. दही आणि कोथिंबीर घालून निट मिक्स करावे.
टीप:
१) हे भरीत उपवासालाही चालते. उपवासाव्यतिरिक्त दिवशी फोडणीत हळद, हिंग, मोहोरी घातली तरी चालते.
२) शेंगदाण्याचा कूट घातल्यास चव छान येते.
Labels:
Bhoplyache Bharit, Bhopala Bharit, Pumpkin Raita, Kaddu Raita
No comments:
Post a Comment