Tuesday, May 19, 2009

मटार खस्ता कचोरी

Khasta Kachori in English

वाढणी : 10 मध्यम कचोर्‍या

fried snack, Indian snack recipes, North Indian food, kachori recipe, khastha kachori, kachaudi, fried puri, deep fried savory snack, how to make khasta kachori at home
साहित्य:
आवरणासाठी
१ कप मैदा
१/४ कप तेल
चवीपुरते मिठ
पुरणासाठी
३/४ तो १ कप हिरवे मटार
फोडणीसाठी १ टेस्पून तेल + १/४ टीस्पून हळद + १/८ टीस्पून हिंग (ऐच्छिक) + १ टीस्पून लाल तिखट
हिरवी पेस्ट = ४ हिरव्या मिरच्या + १/४ कप कोथिंबीर + २ कढीपत्ता पाने
१/२ टीस्पून जिरेपूड
१/२ टीस्पून आमचूर पाउडर
चवीपुरते मीठ

कृती:
१) मैद्यामध्ये मीठ आणि तेलाचे थंड मोहन घालावे. निट मिक्स करावे थोडे पाणी घालून घट्टसर मळून घ्यावे. काहीवेळ झाकून ठेवावे.
२) मिरच्या, कढीपत्ता आणि कोथिंबीर पाणी ना घालता मिक्सरमध्ये बारीक वाटावी. तसेच पाणी ना घालता मटार मिकसरवर बारीक करावे. पूर्ण प्युरे करू नये, अगदी किंचित भरड ठेवावे.
३) तेलात हळद, हिंग, लाल तिखट घालून फोडणी करावी त्यात मिरची कोथिंबीर कढीपत्ता पेस्ट घालावी. मटार पेस्ट घालून मध्यम आचेवर सुकेस्तोवर परतावे. मीठ आणि जिरेपूड आणि आमचूर पावडर घालावी. मिश्रण थंड होऊ द्यावे. या मिश्रणाच्या १० ते १२ गोळ्या कराव्यात.
४) मैद्याचे मळलेले पीठ एकदा परत मळून घ्यावे. लिंबाएवढे गोळे करावे. प्रत्येक गोळयाची जाडसर पुरी लाटून मध्यभागी पुरणाचा एका गोळा ठेवावा. सर्व बाजू बंद करून गोल कचोरी बनवावी. ही काचोरी परत एकदा लाटावी. जाडसरच लाटावी.
तेल गरम करून मग आच मध्यम करावी आणि कचोर्‍या सोनेरी रंगावर तळून काढाव्यात.

Labels:
Green Peas, Khasta Kachori, Matar Kachori

No comments:

Post a Comment