Tuesday, October 5, 2010

डिंकाचे लाडू - Dinkache Ladu

Dinkache Ladu in English

वेळ: साधारण दिड तास
नग: साधारण २५ ते २८ मध्यम लाडू

dinkache ladu, dinkache ladoo, postpartum diet, balantinicha ahar, बाळंतिणीचा आहार, paushtik laduसाहित्य:
२०० ग्राम डिंक
तूप - साधारण १/२ किलोला थोडे कमी
१ कप मूगाचे पिठ
१ कप सोयाबिन पिठ
३/४ कप भरडसर वाटलेले बदाम
३/४ कप भरडसर वाटलेले काजू
३/४ कप भरडसर वाटलेले पिस्ता
१ कप खारीक पावडर
१/४ कप बेदाणे
१ कप सुके खोबरे
एका जायफळाची पावडर
३/४ किलो मऊ गूळ

कृती:
१) २०० ग्राम डिंक १/४ किलो तूपात तळावा. डिंक तळून उरलेल्या तूपात मूगाचे व सोयाबिनचे पिठ भाजून घ्यावे.
२) भरडसर वाटलेले बदाम, काजू पिस्ता आणि खारीक, प्रत्येकी एकेक चमचा तूपावर मंद आचेवर भाजून घेणे.
३) सुकं खोबरं कोरडंच भाजावं. जायफळ बारीक किसणीवर किसून घ्यावे.
४) तळलेला डिंक, भाजलेले सोयाबिन-मूगाचे पिठ, भाजलेला सुका मेवा, बेदाणे, भाजलेले खोबरे आणि जायफळ पूड एकत्र करून घ्यावे.
५) कूकरच्या तळाला १ भांडं पाणी घालावे. गूळ किसून कूकरच्या आतल्या डब्यात पाणी न घालता ठेवावा आणि डबा उघडाच ठेवावा. कूकर बंद करून २ शिट्ट्या होवू द्यावा. वाफ जिरली कि गरम गूळ एका परातीत घालावा. त्यामध्ये एकत्र केलेले जिन्नस (स्टेप क्रमांक ४) घालावे. सर्व एकत्र मिक्स करून लाडू वळावेत.

टीप:
१) गूळ कूकरमध्ये शिजवला कि त्याचा पाक करावा लागत नाही. जर कूकरमध्ये गूळ शिजवणे जमणार नसेल तर जाड बुडाच्या कढईत किसलेला गूळ आणि २ ते ३ टेस्पून पाणी घालून गूळ पूर्ण वितळू द्यावा. या पाकात जिन्नस घालावे आणि लाडू वळावे.
२) गूळ कूकरमध्ये शिजवला कि ५ मिनीटात कूकर उघडून गरम गूळच वापरावा.

No comments:

Post a Comment